"Беларусь, ты збудавана з беларускіх слоў!"
Леанід Дайнека
Пад такім дэвізам распачаўся Тыдзень роднай мовы "Як ты дорага мне мая родная мова!", які праходзіць з 19 па 23 верасня 2022 года.
Першае мерапрыемства, у якім прынялі ўдзел вучні 8-11 класаў - рэспубліканскі дыктант, прысвечаны Дню народнага адзінства.
У панядзелак, 19 верасня, вучні пачатковых класаў удзельнічалі ў акцыі "Размаўляй са мной па-беларуску", выконвалі і слухалі беларускія песні падчас марафону "Мова родная - мова модная".
Вучні старэйшых класаў прынялі ўдзел у квэст гульні "Фальклор, фальклор - душа народа", складалі вершы ў конкурсе творчых работ "За што я люблю родную зямлю".
Дзеці глядзелі беларускамоўныя пастаноўкі, гулялі ў інтэрактыўную гульню "Мае любімае слова па-беларуску", прэзентавалі свае паштоўкі "Пажаданні беларускай мове".
На працягу тыдня ў бібліятэцы дзейнічаюць выставы беларускіх кніг "Сэрцам роднага слова краніся" і "Майстры слова".
Тыдзень роднай мовы “Як ты дорага мне, мая родная мова!” працягваецца.. 21 верасня адбыўся Флаер фэст “Мой родны кут, як ты мне мілы”, у якім прынялі ўдзел вучні 8 класа. Дзеці творча падышлі да дадзенага мерапрыемства і адлюстравалі свае пачуці да роднага краю, гонар і самабытнасць беларусаў у яркай палітры колераў!
23 верасня вучні 4-6 класа з натхненнем чыталі вершы беларускіх пісьменнікаў падчас правядзення адкрытай дыстанцыйнай акцыі “Чытаем вершы пра родную мову”.
У рамках праграмы святкавання тыдня роднай мовы прайшлі віктарыны, квэсты, гульні.